Vapuréttu giancu

Vapuréttu giancu
ôchétta sbufante sensa próle.

T'ho bramàu quande a stè a l'arivova,
t'ho ôdiàu quande ôtubre,
inezuràbile,
u l'avansova.

Inte 'n'orba griggia, tróppu triste,
dóppu e lògrime da nötte,
ti me purtovi via,
ti me strasiovi u cö.

Mé nónno, fórte, grande,
in sciâ banchiña u m'acumpagnòva.

Ti, cianin cianin, te destacovi
e lé, inti mé öggi de figétta,
picin picin u diventova.

Ma cun ti se destacova, preputente,
a mé ànima.

Le nu... nu tiâ purtovi via.

Vaporetto bianco

Vaporetto bianco
ochetta sbuffante senza prole.

Ti ho bramato quando l'estate arrivava,
ti ho odiato quando ottobre,
inesorabile,
avanzava.

In un'alba grigia, troppo triste,
dopo le lacrime della notte,
mi portavi via,
mi straziavi il cuore.

Mio nonno, forte, grande,
sulla banchina mi accompagnava.

Tu, piano piano, ti staccavi
e lui, nei miei occhi di bambina,
piccolo piccolo diventava.

Ma con te si staccava, prepotente,
la mia anima.

Lei no... non la portavi via.